Белгісіз адам өзгенің үйіне кіріп, ондағы мүлікті интернет арқылы сатып жіберген
АСТАНА. ҚазАқпарат - АҚШ-та белгісіз адамның өзгенің үйіне кіріп, ондағы мүлікті ғаламтор арқылы сатып жіберген. Бұл оқиға Вашингтон штатында орын алды.
Ұры бөлмеде біршама уақыт болып, онда тапқан заттар - кір жуғыш машинасы, тоңазытқыш, газ плитасы, теледидар, матрац және саймандарды сатылымға қойды, деп хабарлайды FoxNews телеарнасынан.
Келтірілген шығын 5 мың долларға бағаланып отыр. Үйдің иелері - отбасылық жұп таяуда ғана жаңа үйге көшіп кеткені атап өтіледі. Отбасы сатып жібермек болған ескі үйде көп техника қалған. Полиция қаскүнемді іздеуге кірісті.
