Белсенді циклон Қазақстанға жаңбыр, шаңды дауыл әкеледі - 17 тамызға арналған ауа райы болжамы
АСТАНА. 16 тамыз. ҚазАқпарат - 17 тамыз күні Қазақстанның батысында белсенді циклонның салдарынан найзағайлы өткінші жаңбырлар өтіп, жекелеген аудандарда жел күшейеді, кейбір жерлерде шаңды дауыл болуы мүмкін.
Республиканың солтүстік аудандарындағы ауа райы да тұрақсыз болуы ықтимал. Елдің қалған аумағында жауын-шашынсыз ауа райы болады деп күтілуде, деп хабарлайды Қазгидрометке сілтеме жасаған ҚР ТЖМ-нің баспасөз қызметінен.
Атырау, Батыс Қазақстан облыстарында, күндіз Маңғыстау облысында желдің 15-20 м/с жылдамдықпен соғуы күтіледі, кейбір жерлерде шаңды дауыл болады.
Қостанай, Қызылорда, Оңтүстік Қазақстан облыстарында, күндіз Жамбыл, Солтүстік Қазақстан, Ақмола облыстарында кейбір жерлерде жел екпінінің 15-20 м/с-қа дейін күшеюі күтіледі.
Маңғыстау, Батыс Қазақстан, Қызылорда, Оңтүстік Қазақстан, Жамбыл облыстарында күн қатты ысиды. Атырау, Ақтөбе облыстарында күн қатты ыстық болады.
Республиканың батысы, оңтүстігінде, орталығы мен оңтүстік-шығысында төтенше жоғары өрт қауіптілігі сақталады.
Жақын тәуліктерде республиканың оңтүстік, оңтүстік-шығыс және шығысындағы таулы өзендерде су деңгейлерінің ауытқулары күтіледі.
