Белсенді карточкалар саны бойынша Visa жүйесі MasterCard-тан басымдылығын айқындай түсті
АСТАНА. ҚазАқпарат - Желтоқсан айында белсенді карточкалар саны бойынша Visa жүйесі MasterCard-тан басымдылығын айқындай түсті, деп хабарлайды ranking.kz сараптамалық порталы.
«Қолданыстағы карталар нарығында MasterCard өз үлесін бір ай ішінде 15%-дан 14%-ға дейін қысқартты. MasterCard төлем жүйесінің ең қарқынды құлдырауы, несиелік лимиті бар және алдын ала төленген карталар нарығында көрініс тапты - бір ай ішінде нарық 14%-дан 5%-ға дейін қысқарған», - деп жазады сайт.
Желтоқсан айының қорытындысы бойынша, Қазақстандағы қолданылған карталар саны 6,9 миллион дана. Оның ішінде 5,4 миллионы Visa жүйесінікі болса, бар болғаны 0,9 миллионы MasterCard карталары.
