Бердіқұлов атындағы Үздік спорт журналисі байқауына өтінім қабылдау басталды

АСТАНА. KAZINFORM — ҚР Туризм және спорт министрлігінің Спорт және дене шынықтыру істері комитеті 2024 жылдың 1 желтоқсанына дейін спорт тақырыбына маманданған БАҚ өкілдері арасында белгілі қаламгер, көрнекті көсемсөз шебері, қазақ спорт журналистикасының негізін қалаушы Сейдахмет Бердіқұлов атындағы дәстүрлі байқауға материалдар қабылдау басталғанын хабарлайды.

Конкурс жыл сайын желтоқсан айының екінші жартысында үш номинация бойынша өткізіледі:

1. «Үздік спорттық телевизиялық репортаж»;
2. «Үздік спорттық жарияланым»;
3. «Үздік спорттық фоторепортаж».

Өтініштер мен мақалалар Астана қаласы, Мәңгілік ел көшесі, 8 үй, 6 қабат, Спорт және дене шынықтыру істері комитетінің баспасөз қызметіне немесе [email protected] электрондық поштасы арқылы («2024 жылғы С. Бердіқұлов атындағы байқауға» деген белгімен) қабылданады.

Қабылдау мерзімі – 2024 жылдың 1 желтоқсанына дейін.