Бернар Казнев Францияның Премьер-министрі болып тағайындалды
ПАРИЖ. ҚазАқпарат - Францияның ІІМ басшысы болған Бернар Казнев елдің жаңа премьер-министрі болып тағайындалды, деп хабарлайды «ҚазАқпарат» ХАА меншікті тілшісі Елисей сарайына сілтеме жасап.
«Үкімет басшысы Мануэль Вальс республика президентіне отставкаға кету туралы арыз жазды, Франция Президенті оны қабыл алды. Президент Бернар Казневті премьер-министр лауазымына тағайындап, жаңа үкіметті құруын тапсырды», - деп хабарлайды Франция Президентінің офисі.
Еске сала кетейік, кеше Мануэль Вальс 2017 жылы өтетін Президент сайлауына үміткерлігін ұсынуына байланысты ресми түрде отставкаға кететінін жариялады.
