Бейбіт Назаров аралас жекпе-жектен халықаралық KUNLUN FIGHT 2 CAGE SERIES турнирінің жеңімпазы атанды

АЛМАТЫ. ҚазАқпарат- Алматыда жаңа ғана Балуан Шолақ атындағы спорт сарайында аралас жекпе-жек бойынша халықаралық «KUNLUN FIGHT 2 CAGE SERIES» турнирінің негізгі жекпе-жегінде қазақстандық сайыпқыран Бейбіт Назаров (72 келі) бразилиялық Бруно Аморим Робиньомен кездескен болатын.
None
None

Жекпе-жек аса тартысты өтті. Бірінші раундта Бейбіт қарсыласын ұрып құлатып, соққының астына алып еді, бірақ бұл нәтиже бермеді. Үшінші раундта тік тұрып айқасу барысында қарсыласын баспен соғуына байланысты Бейбіттен бір ұпай алынып тасталды. Жекпе-жек аяқталған соң, төрешілер ақылдаса келе экстра раунд жариялады. Кездесу нәтижесі бойынша Бейбіт Назаров ұпай санымен жеңіске жетті. Сөйтіп, қытайлық KUNLUN FIGHT федерациясының нұсқасы бойынша Әлем чемпионы атанды. Бұған дейінгі өткен тағы бір негізгі жекпе-жек 57 келі салмақ дәрежесінде Қазыбек Әшімов пен оңтүстіккореялық Ёонг Вон Сок арасында өтті. Жерлесіміз бірінші раундта қарсыласының мойнына қылғындыру әдісін қолданып, жеңіске жетті. Сөйтіп, қытайлық KUNLUN FIGHT федерациясының нұсқасы бойынша Әлем чемпионы атанды.

Соңғы жаңалықтар