Бейсенбіде Қазақстанның басым аумағы антициклонның ықпалында болады - Қазгидромет
АСТАНА. 8 желтоқсан. ҚазАқпарат - «Қазгидрометтің» болжауынша, бейсенбі күні Қазақстанның басым аумағы антициклонның ықпалында болады.
Мәселен, Оңтүстік Қазақстан, Қызылорда, Шығыс Қазақстан, Қостанай, Қарағанды облыстарында тұман болады.
Алматы облысының кей жерлерінде тұманды, Жалаңашкөл аумағында секундына 18-23 метр жылдамдықпен соғатын желдің екпіні кей уақыттары 28-ге жетуі ықтимал.
Жамбыл облысының жекелеген жерлерін тұман басып, көктайғақ болады.
Маңғыстау, Батыс Қазақстан, Атырау облыстарында жел күтілуде. Оның екпіні секундына 15-22 метрді құрайды. Атырау облысында күндіз сондай-ақ, тұман болжануда.
Ал Астанада бейсенбі жауын-шашынсыз өтеді. Секундына 9-14 м/с күшпен жел соғады. Ауаның температурасы күндіз -8-10, түнде -19-21 градусты құрайды.
