Бейжің-2022: Қай ел қанша медаль алды
БЕЙЖІҢ. ҚазАқпарат - Бейжіңде өтіп жатқан Ақ Олимпиада ойындарында Норвегия құрамасы әлі де көш басында келеді, деп хабарлайды ҚазАқпарат тілшісі.
Бүгін жалпы медальдар кестесінде көшбасшы мемлекеттер өз орындарын сақтап қалды.
Норвегия құрамасы бүгін қоржынындағы медаль сандарын тағы бір алтынмен толықтырды. Нәтижесінде 13 алтын, 7 күміс, 8 қола (28) медальмен бірінші орында тұр. Екінші орында тұрған Германия құрамасы да бүгін медальдар санын бір алтынмен толықтыра түсті. Олардың еншісінде 10 алтын, 6 күміс, 4 қола (20) медаль бар. Ал үздік үшінші орынды 8 алтын, 7 күміс, 4 қола (19) медальмен АҚШ құрамасы түйіндеп тұр.
Сондай-ақ, кеше 6-орында тұрған Қытай құрамасы бүгін 4-орынға көтерілді.
Медаль көрсеткішімен үздік ондықта тұрған елдер:
1. Норвегия - 13 алтын, 7 күміс, 8 қола
2. Германия - 10 алтын, 6 күміс, 4 қола
3. АҚШ - 8 алтын, 7 күміс, 4 қола
4. Қытай - 7 алтын, 4 күміс, 2 қола
5. Австрия - 6 алтын, 7 күміс, 4 қола
6. Нидерланд - 6 алтын, 4 күміс, 4 қола
7. Швеция - 6 алтын, 4 күміс, 4 қола
8. Швейцария - 5 алтын, 0 күміс, 5 қола
9. Ресей - 4 алтын, 8 күміс, 12 қола
10. Франция - 4 алтын, 7 күміс, 2 қола
Айта кетейік, дәл бүгінге дейін Олимпиада медаліне қол жеткізген елдер қатары 28-ге жетті. Оның ішінде 21 мемлекеттің қоржынында алтын медаль болса, 24 мемлекетте күміс жүлде бар. Сондай-ақ, Бельгия, Латвия Польша және Эстония елдерінің қоржындарында бір-бір қола медальдан бар.
Өкінішке қарай, Қазақстан қоржыны әзірге бос тұр.
