Бейжің-2022: Қазақстандық шорт-трекші Тихонова жүлдеден тыс қалды
НҰР-СҰЛТАН. ҚазАқпарат – Бейжіңдегі қысқы Олимпиада ойындарында бүгін әйелдер арасында шорт-тректен 1500 метр қашықтықта жүлделер сарапқа салынып жатыр, деп хабарлайды ҚазАқпарат тілшісі.
Аталған қашықтықта Қазақстан намысын Ольга Тихонова қорғаған болатын.
Ол мұз айдыда бес спортшымен бірге үшінші топта сынға түсті. Нәтижесінде 2:23,48 уақыт көрсеткішімен төртінші болып мәреге жетті.
Алайда, оның жарыс барысында ереже бұзғаны анықталып жарыстан шеттетілді. Осылайша ол Бейжіңдегі Олимпиада ойындарын жүлдесіз аяқтады.
Айта кетелік, шорт-тректен Қазақстан командасының ең үздік нәтижесін Абзал Әжіғалиев тіркеді. Ол 500 метрге жүгіруден А финалында сынға түсіп, төртінші орын иеленді.
Айта кетейік, аталған Ақ Олимпиадада ойындарында еліміздің намысын 8 спорт түрінен 34 спортшы қорғап жатыр.
Олар - қысқы спорт ойындарының ішінде спорттың шаңғы жарысы, фристайл-могул, шаңғы акробатикасы, тау шаңғысы, шаңғымен секіру, биатлон және шорт-трек түрлерінен сынға түсуде.
Бейжің Олимпиадасы 20 ақпанда мәресіне жетеді.
