Бейжің-2022: Қазақстандық Захар Кучин Олимпиада ойындарын аяқтады
НҰР-СҰЛТАН. ҚазАқпарат – Бейжіңдегі қысқы Олимпиада ойындарында тау шаңғысынан слалом бойынша медальдар сарапқа салынды, деп хабарлайды ҚазАқпарат тілшісі.
Аталған спорт түрінен сынға түскен қазақстандық шаңғышы Захар Кучин бірінші мүмкіндігінде жарыс қорытындысы бойынша мәре сызығын 1:03,68 көрсеткішімен 43-ші болып кесті. Ол алғашқы іріктеу сынында бірінші орынға ие болған австриялық Йоханнес Штрольцтан 9.76 минутқа кешігіп келді.
Екінші мүмкіндігінде Кучин мәре сызығын 2:02,66 көрсеткішімен 36-шы болып кесіп өтті. Бұл Захар Кучиннің Бейжің Олимпиадасындағы соңғы жарысы. Осылайша жерлесіміз төрт жылдық доданы жүлдесіз аяқтады.
Тау шаңғысынан слалом бойынша жарыстың жеңімпаздары мен жүлдегерлері:
1- орын - Клемент Ноэль (Франция) – 1:44,09
2- орын - Йоханнес Штрольц (Австрия) – 1:44,70
3- орын - Себастьян Фосс Сулевог (Норвегия) – 1:44,79
Фото: Сали Сабиров, Қазақстан ҰОК
