Бейжің құмды дауылдың астында қалды
АСТАНА. 28 ақпан. ҚазАқпарат - Бейжің аспанын қуатты шаңды дауыл торлап тұр. Ол Ішкі Монғолия жақтан тоқтаусыз соғуда.
Интернет-БАҚ хабарлағандай, таңертеңнен бері ауа ластығының көрсеткіші «қауіпті» деңгейінен - PM 2,5 шкаласы бойынша 500 балдан асты.
Қала тұрғындары аузы-мұрнын тұмшалап, қолқаны қапқан шаңнан қорғануға тырысуда. Қалада көлік қозғалысының жағдайы қиындады, жолдың көрінуі 900 метрге дейін төмендеген.
