Бейжіңде 3D-принтингі арқылы тұрғын үй салынды (ФОТО)
БЕЙЖІҢ. ҚазАқпарат - Бейжің қаласының Тунчжоу қалалық округінде толықтай 3D-принтингі әдісімен салынған әлемдегі алғаш тұрғын үй бой көтерді, деп хабарлады «Жэньминьван».
Жеке 3D принтерінде басып шығарылған бөліктерді қосу арқылы салынған бұрынғы ғимараттардан ерекшелігі екі қабатты вилла толассыз құю арқылы салынды.
Ғимарат алаңы - 400 шаршы метр, қабырға қалыңдығы - 250 см. Әр қабаттың биіктігі 3 метр, үй 45 күнде салынды. Құрылыс үдерісі толықтай компьютермен бақыланды.
Еске салсақ, 3D-принтері - сандық 3D-үлгісі бойынша жеке нысанды қабаттап салу әдісімен пайдаланылатын перифериялық құрылғы.
3D-баспаны түрлі тәсілмен, түрлі материалдарды пайдаланып жүзеге асыруға болады. Олардың негізіне қатты нысанды қабатты (өсіріп) салу қағидаты қолданылады.
