Бейжіңдегі сайлау учаскесіне адамдардың келуі 73,4 пайызды құрады
БЕЙЖІҢ. 4 сәуір. ҚазАқпарат /Руслан Сүлейменов/ - Бейжіңдегі ҚР дипломатиялық миссиясындағы сайлау учаскесіндегі дауыс беру нәтижелері 4 сәуірде сағат 01.00 кезінде шығарылды.
Бұл жерде сонымен қатар көшпелі отырыс өткізілген Шанхай мен Гонконгтың бюллетеньдері салынған жәшіктер де ашылды.
Учаскелік сайлау комиссиясының төрағасы, ҚХР-дағы ҚР елшілігінің консулы Қазбек Сәрсембековтың айтуынша, №135-ші сайлау учаскесінде тіркелген 2 672 сайлаушының 73,4 пайызы дауыс берді. Елбасы Н.Назарбаев үшін дауыстарын 96,8 пайыз сайлаушы, Ғ.Қасымов үшін - 2,14 пайыз, М.Елеусізов үшін - 0,66 пайыз, Ж.Ахметбеков үшін - 0,4 пайыз дауыс берді.
