Биатлоннан әлем чемпионатында қазақстандық спортшы үздіктер қатарынан көрінді

АСТАНА. KAZINFORM – Бүгін Эстонияның Отепя қаласында биатлоннан Жасөспірімдер мен жеткіншектер арасындағы әлем чемпмонаты аясында жекелей бәсекелер өтті.

ҚР Биатлоншылар одағының баспасөз қызметі мәлім еткендей, ерлер арасында 15 км жеке жарыста биатлоншымыз Вадим Куралес 104 спортшының арасынан үздік ондыққа ілікті. Ол мәреге 8-ші болып жетті (+2:17.9; 2).

Аталған қашықтықта мәре сызығын бірінші болып неміс биатлоншысы Леонард Пфунд (39:51.3;1) кесіп өтті. Ал, екінші болып мәреге француздық Лежен Валентин (+12.8;0) келсе,  үшінші орынға поляк спортшысы Ян Гунька (+15.3;1) ие болды.

Сонымен қатар осы біріншілікте Қазақстан құрамасы атынан өнер көрсеткен Червенко Данил мәреге 31-ші, Афанасьев Артем 50-ші, Гребенщиков Егор 51-ші болып жетті.