Биатлоннан әлем кубогы: Қазақстан ерлер құрамасы эстафетаны 13-орынмен аяқтады

Биатлоннан Германияның Рупольдинг аймағында өткен әлем кубогы кезеңінде ерлер арасындағы эстафета аяқталды, деп хабарлайды Kazinform Olympic.kz-ке сілтеме жасап. 

Қазақстандық биатлоншылар Александр Мухин, Әсет Дүйсенов, Владислав Киреев және Никита Акимов 23 команданың ішінен 13-орынға табан тіреді.

7,5 шақырымға созылған эстафетада Норвегия топ жарса, Германия күміс, Италия қола медальді қанағат тұтты. Қазақстанның ерлер құрамасы норвегиялықтардан +3:44.7 минутқа қалып қойды.

Айта кетелік, әлем кубогы кезеңдерінің қорытындысы бойынша Қазақстан 12-орында келеді.