Биыл мектеп түлектеріне 80 мыңға жуық грант үлестіріп берілді

АСТАНА. KAZINFORM — 2024-2025 оқу жылында грант саны 94 мыңнан асты. Оның ішінде 78 мың грант — бакалавриат студенттеріне, 13 мың грант — магистратураға берілсе, 3 мың грант болашақ докторанттарға қарастырылған.

99 пайыз грант 4 жылда тұңғыш рет игерілсе, су тасқынынан зардап шеккен өңір талапкерлеріне 15 382 грант берілген. 

Қазақстанда ашылып жатқан шетелдік жоғары оқу орындарының филиалдарына 1 890 грант бөлінген.

Одан бөлек, 5 000 нысаналы грант 100 пайыз, ауыл шаруашылығы мен ветеринария бағытындағы гранттар толық игерілген. 

Фото: Ғылым және жоғары білім министрлігі

Айта кетер жайт, биыл 104 121 түлек грантқа өтінім берген. Бұл — өткен жылмен салыстырғанда 10 000 адамға артық көрсеткіш.

Еске сала кетейік, бүгін грант иегерлерінің тізімі жарияланды.