Биыл Моңғолия банк секторының таза сыртқы активтерінің көлемі 27,6 пайызға артқан
АСТАНА. KAZINFORM – 2024 жылдың қыркүйек айының соңына қарай Моңғолия банк секторының таза сыртқы активтерінің көлемі 27,6 пайызға артқан. Моңғолияның төл ақшасы бойынша 8,4 трлн төгрік болса, 2,474 млрд АҚШ долларына пара-пар. Бұл туралы Синьхуа агенттігі Моңғолияның Ұлттық статистикалық комитетіне сілтеме жасап, хабарлады.
Осы кезеңде Моңғолия банктерінің таза ішкі активтерінің көлемі өткен жылдың сәйкес кезеңімен салыстырғанда 25,4 пайызға артып, 33,4 триллион төгрікке /9,837 миллиард АҚШ долларына/ жетті.
Сонымен бірге, Моңғолияның коммерциялық банктеріндегі жинақтардың жалпы көлемі ағымдағы жылдың қыркүйек айының соңына қарай 20,6 триллион төгрікке /6,067 миллиард АҚШ долларына/ жетті. Осы кезеңде тугрик жинақтары 38,6 пайызға өссе, доллар жинақтары 12,3 пайызға азайған.
Еске сала кетейік, бұған дейін Моңғолиядағы инфляция 2024 жылдың қыркүйегінде 6,7 пайызды құрағанын жазған болатынбыз.
