Биыл шетелдіктер мен қандастарға қанша оқу гранты бөлінеді

АСТАНА. KAZINFORM – Ғылым және жоғары білім министрлігі Kazinform сауалына жолдаған жауапта биыл шетелдіктер мен қандастарға қанша оқу гранты бөлінгенін айтты.

«Биыл шетелдік азаматтарға халықаралық келісімдер бойынша 360 грант бөлінеді. Шетелдіктердің стипендиялық оқу бағдарламасы бойынша, оның ішінде ұлты қазақ шетелдіктерге қосымша 490 грант бөлінеді», - делінген министрлік жауабында.

Былтыр жалпы 171 699 адам жоғары оқуға түскен. Оның ішінде 68 240 адам грант бойынша білім алып жатыр.

«Биыл мектеп бітірген түлектердің саны - 188 245 адам. Жоғары білім алу мақсатымен 185 371 адам ҰБТ тапсырған. Оның 156 297-сі биылғы жылдың мектеп түлектері», - деп жазылған ресми жауапта.