Билайн абоненттері Жаңа жыл мерекесі кезінде 2 542 190 сағат сөйлесті

АЛМАТЫ. 5 қаңтар. ҚазАқпарат /Ерлік Ержанұлы/ - 31 желтоқсан мен 1 қаңтарда Билайн абоненттері өткен жылдың сәйкес кезеңімен салыстырғанда 47 пайызға көп сөйлесті.

Былтыр ол алдыңғы жылғы көрсеткіштен 122 пайызға жоғары болған еді. «КаР-Тел» ЖШС-нің жұртшылықпен байланыс менеджері Байрам Азизовтың айтуынша, Жаңа жыл түні абоненттер 8 741 323  СМС хабарлама жіберген. Құттықтаулардың ең жоғары шыңы  00:00-де тіркелді. Онда ел тұрғындары бір-біріне  1 728 533 СМС хабарлама жіберіп құттықтаған.