Билік пен халық арасындағы байланысты нығайтуда бұқаралық ақпарат құралдарының атқаратын ролі зор - С.Сүлеймен, БҚО

ОРАЛ. 20 ақпан. ҚазАқпарат - Билік пен халық арасындағы байланысты нығайтуда бұқаралық ақпарат құралдарының атқаратын ролі зор.
None
None

Бұл туралы облыс әкімінің орынбасары Серік Сүлеймен облыстық басқармалар мен бірқатар мемлекеттік органдар басшыларымен билік органдарына азаматтардың сенімін арттыру және жергілікті мемлекеттік мекемелердің ақпараттық қызметін жетілдіру мәселесіне арналған кеңесте мәлім етті.

Оның айтуынша, Елбасы «Қазақстан - 2050» стратегиясы туралы Жолда­уында мемлекеттік қызмет көрсетудің сапасын арттыруға ерекше назар аударды. Мемлекеттік аппараттың халықпен өзара қарым-қатынастарында бір­жақты көзқарастан арылып, адамдарға мемлекеттік қыз­мет­терді тиімді және жедел түрде көрсетуді міндеттеді. Мемлекеттік органдар БАҚ-тармен байланыс аясын кеңейтіп, олар арқылы атқарылып жатқан жұмыстарды халыққа дер кезінде жеткізіп отырулары тиіс. Өкінішке орай, бұл мәселе әлі де болса өз деңгейінде емес. Кейбір басқарма басшылары ақпарат құралдарынан көрінуден қаш­қақтап жүреді. Жүзеге асып жатқан шаралар көбіне-көп БАҚ өкілдерінің бастамасымен жарияланады. Ал, шын мәнінде, бұл іске мемлекеттік органдар басшылары ұйытқы болулары тиіс.

Осы пікірді өз сөзінде об­лыс­­тық ішкі саясат бас­қар­ма­сы­ның бастығы Марат Тоқжанов та қостады. «Осы кезге дейін көптеген облыстық басқарма­лар мен бө­лімдер медиажоспар жасауға ден қоймай келеді. Оған дәлел Ел­ба­сы Жолдауын жү­зеге асыру жөніндегі медиа­жос­пар­ды тек облыстық денсау­­­лық бас­қар­­ма­сы мен облыстық тө­тенше жағ­­дай­лар департаменті ғана жа­сап, бізге жолдады. ҚР Президенті жанын­да­ғы Орта­лық коммуникациялар қызметі (ОКҚ) әрбір апта сайын лауазым­ды тұлғалардың қа­­­ты­суы­­мен брифинг өткізіп ке­ле­ді. Бұл, бі­ріншіден, мемлекет­тік ор­гандар атқарып жатқан жұ­мыстармен халықты дер ке­зін­де хабардар жасаса, екіншіден, ақпарат­­тың жеделдігін арттырады. Осы бастаманы біз де қолға алуымыз керек. Әсіресе, ақпараттың жедел таралуына қол жеткізуіміз керек. Қазіргі ақпараттық технологияның да­мыған заманында ақпаратты екі-үш күннен кейін берсек, оның қажеттігі де болмай қалады. Оны халық ғаламтордан оқып алады. Бізде жайбарақаттық басым. Кейбір басшылар журналистер мәлімет сұраса, «Ресми түрде хат жіберіңіз, жауабын береміз» деп сөзбұйдалыққа салады», - деді ол.

Кеңесте облыстық бас­қар­­ма­лар мен де­пар­та­мент­­тер­­ге жергілікті мем­ле­кет­тік органдар­дың веб-сайт­тарын жаңартып отыру, БАҚ-тарда халық алдында облыс басшылығының тап­сырмаларының орындалу ба­рысы туралы материалдар жариялап отыру жөнінде іс-шаралар жасақтап, оны жүзеге асыру жөнінде ұсыныстар айтылды. Сонымен қатар БАҚ-тармен өзара іс-қимыл, интернет-ресурстармен жұмыс жөнін­де бөлімдер жасақтау тапсы­рылды.

Соңғы жаңалықтар