Бір күнде тағы 51 адам коронавирусқа шалдықты
АСТАНА. ҚазАқпарат – Қазақстанда өткен тәулікте тағы 51 адам коронавирус жұқтырды, деп хабарлайды ҚазАқпарат Денсаулық сақтау министрлігіне сілтеме жасап.
20 қазандағы мәлімет бойынша, 971 адам коронавирус инфекциясынан (–827+ және 144 КВИ-) емделіп жатыр. Оның ішінде 107 пациент стационарда, ал 864 науқас амбулаториялық деңгейде.
КВИ+, КВИ- шалдыққандардың арасында:
4 адамның жағдайы ауыр,
5 пациенттің жағдайы өте ауыр,
2 науқасқа ӨЖЖ аппараты қосылған.
Сондай-ақ, Қазақстанда коронавирусқа қарсы вакцинаның I компонентімен 10 840 776, II компонентімен 10 601 392 адам егілді. Ревакцинацияланды – 5 587 083 адам.
