Бір жасар қызының бетіне «смайлик» таңбасын күйдіріп салған британдық әйел түрмеге қамалатын болды

АСТАНА. ҚазАқпарат - Британдық әйел өз баласының денесін таңбалағаны үшін төрт жылға бас бостандығынан айырылады. Ол автомобильдегі от тұтатқыштың көмегімен бір жасар қызының бетіне «смайлик» күйдіріп салған.

Бойжеткен сондай-ақ болған оқиғадан кейін зардап шеккен баласына медициналық көмек шақырмағаны үшін айыпталып отыр. Судьяның атап өтуінше, енді сәби «смайлик» таңбасымен өмір бақи жүруге мәжбүр болады. Жас ана болса, өз кінәсін мойындамайтынын мәлімдеген, деп хабарлайды шетелдік БАҚ.