«Бішкек-Мәскеу» пойызында 4 килә есірткі тасымалдап бара жатқан Қырғызстан азаматшасы ұсталды
АСТАНА. Қаңтардың 8-і. ҚазАқпарат – «Меркі темір жолы» шекарадағы бақылау бөлімнің шекарашылар отряды қаңтардың 7-сі күні «Бішкек-Мәскеу» пойызында Қырғызстан азаматшасын ұстады.
Оның қол жүгін тексеру кезінде шекарашылар 4 киләдан астам гашишке ұқсас зат салынған екі пакет тапқан, деп хабарлайды ҚазАқпарат Ұлттық қауіпсіздік комитетінің Шекара қызметіне сілтеме жасап. Зат сараптамаға тексеруге жіберілді және факті бойынша тергеу амалдары жалғасуда.
