Бішкек - Мәскеу ұшағы Қазақстанға қонуға мәжбүр болды

АСТАНА. Тамыздың 28-і. ҚазАқпарат - Таңертең тамыздың 28-інде Бішкектен Мәскеуге ұшып бара жатқан Itek Air қырғызстандық әуе компаниясының ұшағы Орал қаласына қонуға мәжбүр болды,

деп хабарлайды ҚазАқпарат Лента.ру сайтына сілтеме жасап.

Жолаушылар мен экипаж мүшелерінің ешқайсысы да зардап шеккен жоқ. Рейсті «Боинг-737-200» орындады.

Мәжбүрлі қонуға қозғалтқыштардың біріндегі май қысымының төмендеуі себеп болған.

Ұшақ жолаушылары қонақүйге орналастырылды. Оқиға орнына Қырғызстанның азаматтық аваиация департаментінен сарапшылар тобы және Itek Air өкілдері ұшып бармақшы. Олар Қазақстанға дейін мініп барған ұшақ одан әрі жолаушыларды Мәскеуге жеткізіп салады.