Бішкекте бомба қойылғаны туралы хабардан кейін сауда орталығы қоршауға алынды

БІШКЕК. Кaбар- ҚазАқпарат – Бішкекте бомба қойылғаны және кепілге алынған адам бары туралы хабардан кейін орталық әмбебап дүкен ғимараты қоршауға алынды, деп хабарлайды ҚазАқпарат Кaбар агенттігіне сілтеме жасап.

Агенттіктің мәліметінше, мемлекеттік ұлттық қауіпсіздік комитетіне ғимараттың ішінде бірнеше әйелді кепілге алғаны туралы хабар түскен.

Расталмаған деректер бойынша, ғимаратқа мина қойылуы мүмкін.