Бишімбаев ісі: Адвокат үкімді өзгертуге негіз болатын заң бұзушылықтарды атады

Бишімбаев
Фото: Жоғарғы сот

АСТАНА. KAZINFORM – Қуандық Бишімбаеваның қорғаушысы Ерлан Ғазымжанов алқабилердің бірі істі тыңдау кезінде әлеуметтік желіде судьяның рұқсатынсыз сот құрамына кірмейтін адамдармен байланыс орнатқанын және олармен қылмыстық іске қатысу мәселесін ашық талқылағанын айтты.

Қорғау тарапының айтуынша, алқабилердің бірі ҚР Қылмыстық іс жүргізу кодексінің нормаларын бұзған, себебі ол әлеуметтік желі пайдаланушыларымен байланысып, сот талқылауы туралы айтқан, іске қатысушылардың арналарына жазылған.

«Бұл № 4 алқаби. Ол өз аккаунтынан алқаби ретінде таңдалғаны туралы пікір қалдырған және іріктеудің әділ және ашық өткенін айтқан. Бұл пікірдің астында бірнеше желі қолданушы оған қысым жасай бастаған. Сондай-ақ, алқаби мәскеулік сарапшылардың қорытындысын сынаған сарапшы Тахир Халимназаровтың аккаунтына жазылған», - деді Е.Ғазымжанов.

Оның айтуынша, алқаби жәбірленуші Айтбек Амангелдінің де аккаунтына жазылған. Онда А.Амангелді істің мән-жайы туралы ақпаратты өз пайымдауымен ұсынып отырған.

Адвокат осы бұзушылықты Бишімбаевтың үкімін өзгертуге негіз бола алатынын айтады.

Соңғы жаңалықтар
telegram