Биыл Астананың барлық білім мекемесінде видеокамера болады
«Ағымдағы жылы педагогтарға тағы 1 мың тұрғын үй сертификаты беріледі. 300 орынға арналған жатақхана құрылысы аяқталуға жақын. Міне, осы жерде кадрға қатысты жекелеген жайттар бар. Бүгінде педагогикалық ЖОО-лар танымалдыққа ие емес екендігі ешкімге құпия емес. Мұғалімдердің жұмысы барынша күрделі әрі жалақысы төмен. Бала кезімде ер-азамат мұғалімдер көп болатын және балалар оларға мүлдем басқаша қарайтын. Қазір бұл жерде диспаритет байқалады. Бүгінде мұғалімдердің жалақысы мен мәртебесін жүйелі түрде арттыру шешімі қабылданды», - деді Б.Сұлтанов.
Оның айтуынша, мемлекеттік-жекешелік әріптестік тетіктері арқылы жан басына қаржыландыруды енгізудің арқасында әкімдікте айтарлықтай қаражат үнемделіп отыр. Олар мұғалімдердің жалақысын көтеруге жұмсалады.
Шаһар басшысы сондай-ақ Елбасының білім мекемелерін видеокамералармен жабдықтау тапсырмасына тоқталды.
«Балалардың қауіпсіздігі маңызды міндет саналады. Ағымдағы жылдың соңына дейін біз оқу орындарын, оның ішінде, асханаларды 100 пайыз бейнебақылау камераларымен қамтамасыз ететін боламыз»,- деді Б.Сұлтанов.