Биыл «Батыс Еуропа - Батыс Қытай» халықаралық дәлізінің кезекті 806 шақырымы іске қосылады - А. Жұмағалиев
АСТАНА. 21 мамыр. ҚазАқпарат - Биыл «Батыс Еуропа - Батыс Қытай» халықаралық көлік дәлізінің тағы 806 шақырымы тапсырылады.
Бұл туралы бүгін Үкімет отырысында ҚР Көлік және коммуникация министрі Асқар Жұмағалиев мәлім етті.
«Халықаралық дәліздің 915 шықырымы көлік қозғалысы үшін ашылды, 806 шақырымы биыл тапсырылады»,-деп нақтылап өтті ведомство басшысы.
Сонымен қатар министр «Алматы-Қорғас», «Шымкент-Жамбыл облысы шекарасы», «Ташкент-Шымкент» учаскелерінде 483 шақырым аралықта құрылыстар басталатынын жеткізді.
