Биыл Қазақстан 7 млн. тонна астық экспорттауды жоспарлайды
АСТАНА. 12 ақпан. ҚазАқпарат - Биылғы маркетингілік жылда астық экспортының әлеуеті 7 млн. тоннаны құрайды.
Бұл туралы бүгін Үкімет отырысынан кейінгі брифингте ҚР Ауыл шаруашылығы министрі Асылжан Мамытбеков БАҚ өкілдеріне мәлім етті.
«Маркетингілік жылдан бастап біздің әлеуетіміз былтырғыға қарағанда айтарлықтай төмен. Биылғы көрсеткіш 7 млн. тонна көлемінде болмақ. Өткен жылы 12,8 млн. тонна экспортқа шығарылды», - деді министр.
Оның айтуынша, 1 қаңтардағы жағдай бойынша, 3,3 млн. тонна астық экспортталып үлгерді.
