Биыл Қазақстанның ішкі жалпы өнімі 5,6 пайызға өсті - индустриялық форум
АСТАНА. 3 шілде. ҚазАқпарат - Алдын ала бағам бойынша биыл еліміздің Ішкі жалпы өнімі өткен жылдың сәйкес кезеңіне қарағанда 5,6 пайызға өсті.
Бұл туралы бүгін Астанада ҚР Президенті Нұрсұлтан Назарбаевтың қатысуымен өтіп жатқан ҮИИДМБ іске асыруға арналған индустриялық форумда ҚР Экономикалық даму және сауда министрі Бақытжан Сағынтаев мәлім етті.
Министрдің айтуынша, жыл басынан бері халықтың нақты табысы 12,8 пайызға өсті, нақты жалақы 11,5 пайызға жоғарылады.
Осы орайда ол әлемдік экономиканың және сыртқы нарықтардың нақты айқындалмағанына қарамастан, Қазақстан экономикасының оңтайлы өсімі қамтамасыз етілгенін жеткізді.
