Биыл «Мәдени мұра» бағдарламасының басты қорытындылары Елбасының қатысуымен Қоғамдық кеңес отырысында талқыланады

Бұл туралы бүгін Үкімет отырысында ҚР Мәдениет министрі Мұхтар Құл-Мұхаммед мәлім етті.

«Мәдени мұра» бағдарламасының басты қорытындылары Мемлекет басшысының қатысуымен үстіміздегі жылдың желтоқсанында өтетін Қоғамдық кеңестік кеңейтілген отырысында талқыланатын болады. Онда үш министрліктің басшылары тиісті баяндамасын жасайды», - деді ведомство басшысы.

Айта кетейік, 2004 жылы Елбасының бастамасымен қабылданған «Мәдени мұра» бағдарламасы тарихи-мәдени мұраның үлкен бір бөлігін жүйеге келтіріп, оны айналымға түсіруге мүмкіндік берді. Осы кезең ішінде 40 археологиялық және 26 ғылыми-қолданбалы зерттеу жүргізілді. Олардың барлығы ғылымға мыңнан астам артефактілер берді. «Мәдени мұра» аясында Қытай, Түркия, Моңғолия, Ресей, Жапония, Мысыр, АҚШ және Батыс Еуропа елдеріне жасалған ғылыми-іздестіру экспедицияларының нәтижесінде елімізге қазақ халқының 5 мыңнан астам тарихына, этнографиясына, өнеріне қатысты аса құнды мұрағат құжаттары қайтарылды.

Тарихымызға және мәдениетімізге аса маңызды 73 ескерткіш қайта қалпына келтірілді.