Биыл «Самғау» журналистер байқауының жүлде қоры ұлғайды
ТАЛДЫҚОРҒАН. ҚазАқпарат - Алматы облысы әкімінің журналистер арасындағы «Самғау» байқауы биыл да ұйымдастырылады. Байқауға жаңа номинациялар қосылып, жүлде қоры да еселенді, деп хабарлайды ҚазАқпарат тілшісі.
«2017 жылы алғаш ұйымдастырылған додаға 7 номинация бойынша 21 адам жеңімпаз атанды. Биыл тағы 4 номинация қосылып, жүлде қоры 8 млн теңгеден асты», - дейді облыстық ішкі саясат басқармасының басшысы Рустам Алпысбаев.
Тақырыптық жағына келер болсақ, «Цифрлы Қазақстан», «Рухани жаңғыру» бағдарламалары, Астана қаласының 20 жылдығы және Алматы облысының әлеуметтік-экономикалық дамуы басты назарда болмақ.
