Биыл ҰБТ-ға қатысқан «Алтын белгіден» үміткер 2 мың 845 оқушының 1 мың 550-і білімдерін растай алды

Бұл туралы бүгін өткен баспасөз мәслихатында Білім және ғылым министрі Жансейіт Түймебаев мәлім етті, деп хабарлайды ҚазАқпарат. Ж.Түймебаевтың атап көрсеткеніндей, биыл республика бойынша «Алтын белгіден» үміткер барлығы 2 мың 938 түлек болды, ҰБТ-ны тапсыруға олардың тек 2 мың 845-і ниет білдіріп, 1550-і ғана өз біліктіліктерін дәлелдей алды. Жалпы ҰБТ-ға 132 мың мектеп бітірушінің 106 мың 805-і қатысты. Оның 64 мың 538-і қазақ тілді, 42 мың 267-сі орыс тілді мектептердің түлегі. Тестілеудің нәтижесіне сәйкес республика бойынша орташа балл 74,9-ды құрады. 2008 жылғы көрсеткіш 68,0 балл болды. Облыстар бойынша орташа баллдар: Қостанай ? 82,9 балл, Солтүстік Қазақстан ? 81,5, Батыс Қазақстан ? 80,6, Павлодар ? 79,4, Астана қаласы ? 79,3, Маңғыстау ? 77,6, Ақтөбе ? 77,56, Ақмола ? 75,5, Алматы қаласы ? 74,7, Атырау ? 74,39, Қызылорда ? 73,88, Алматы ? 73,46, Қарағанды ? 72,83, Жамбыл ? 70,91 және Оңтүстік Қазақстан ? 70,75 балл.Министрдің айтуынша, аппеляцияларды қарау жөніндегі республикалық комиссияға келіп түскен 1034 (2008 жылы 18 мың 209) өтініштің 603-і - қанағаттандырылмаса, 431-і - оң шешімін тапты.