Биыл Жамбылда бидай мен арпа түсімі бір центнерге артқан
ТАРАЗ. ҚазАқпарат – Жамбыл облысында күзгі жиын-терім жұмыстары 90 процентке аяқталды. Жергілікті шаруалар қалған өнімдерді жинап жатыр, деп хабарлайды ҚазАқпарат тілшісі.
Аймақта 687 мың гектардан астам алқапқа ауылшаруашылық дақылдары егілген. Оның 200 мыңы - мал азығы саналатын көпжылдық шөптер.
Сала мамандарының айтуынша, биыл бидай мен арпа орта есеппен гектарынан 23 центнерден жиналған. Бұл өткен жылмен салыстырғанда 1 центнерге жоғары. Нәтижесінде қамбаға 331 мың тонна бидай, 430 мың тоннадан астам арпа түсіп отыр. Жалпы, өңірде қазір дәнді және дәнді-бұршақты дақылдар - 97, көкөніс - 96, майлы дақылдар - 98, қант қызылшасы - 10 процентке, ал бақша дақылдары - 100 процент жинап алынды.
«Жүгері жинау жұмыстары жүріп жатыр. Бүгінде ол 45 пайызға аяқталды. Әлі 55 проценті жиналуы керек. Негізгі дақылдардың барлығын 1 қарашаға дейін бітіреміз деп отырмыз. Бірақ қант қызылшасы дақылын жинау сол 1 желтоқсанға дейін барадыз», - дейді облыстық ауыл шаруашылығы басқармасының бөлім басшысы Шәкір Момынқұлов.
