Биылғы қаңтар-мамырда ТМД бойынша кейбір көрсеткіштердің өсімі сақталды

АСТАНА. 11 шілде. ҚазАқпарат - ТМД Статкомитетінің деректері бойынша Достастық елдерінде 2013 жылғы қаңтар-мамырда 2012 жылғы қаңтар-мамырмен салыстырғанда кейбір әлеуметтік-экономикалық көрсеткіштерінің өсімі сақталды. Бұл туралы бүгін ҚР Статистика агенттігінде мәлім болды.

Атап айтқанда, жүк тасымалдау өсімі (құбыр көлігінсіз) 1,7 пайызды құрады (2012 жылғы қаңтар-мамырда 9,2%). Ал бөлшек сауда айналымы - 5,2 пайызға (8,3%), негізгі капиталға салынған инвестициялар - 2,5 пайызға (12,5%) жоғарылады.