Биылғы маркетингтік жылы әлемде астықтың жалпы жиынтығы 26 млн. тоннаға төмендейді деп күтілуде

АСТАНА. Тамыздың 16-сы. ҚазАқпарат /Руслан Ғаббасов/ - Биылғы маркетингтік жылы әлемде астықтың жалпы жиынтығы 26 млн. тоннаға төмендейді деп күтілуде. Бұл туралы бүгін Үкіметте өткен кеңесте Ауыл шаруашылығы министрлігінің жауапты хатшысы Евгений Аман айтты.

«Астық жөніндегі халықаралық кеңестің болжамы бойынша, биылғы маркетингтік жылы әлемде астықтың жалпы жиынтығы 26 млн. тоннаға, сауда 4 млн. тоннаға, сондай-ақ түпкі қордың деңгейі 5 млн. тоннаға төмендейді деп күтілуде»,-дейді Жауапты хатшы. Оның сөзіне қарағанда, астық дақылдары шығымының айтарлықтай төмендеуі Ресейде, Украинада, Канадада болмақ.