Биылғы шілдеде жалақының ең үлкен мөлшері қаржы және сақтандыру салаларына тиесілі болды
АСТАНА. 7 қыркүйек. ҚазАқпарат - 2012 жылғы шілдедегі бір қызметкердің орташа айлық атаулы жалақысы 106620 теңгені құрады. Бұл жайында бүгін ҚР Статистика агенттігінің мәліметтерінде айтылған.
Атаулы жалақы индексі 2011 жылғы маусымға 114,7%, ал нақты жалақы индексі 109,5% құрады.
Салалық құрылымда жалақының ең үлкен мөлшері қаржы және сақтандыру қызметінде - 205,2 мың теңге (орташа республикалық деңгейден 1,9 есеге асады), кәсіби, ғылыми және техникалық қызметте 195,4 мың теңге (1,8 есе), кен өндіру өнеркәсібі және карьерлерді қазуда - 181,5 мың теңге (1,7 есе) белгіленді. Ең төменгі жалақы ауыл, орман және балық шаруашылығындағы қызметкерлерінде белгіленді - 48,9 мың теңге, бұл ел бойынша орта көрсеткіштен 54,2%-ға төмен.
Өңірлік бөліністе ең жоғары жалақы Атырау облысында белгіленді - 183,3 мың теңге, бұл орташа республикалық көрсеткіштен 1,7 есеге асады. Солтүстік Қазақстан облысында мұның шамасы 71,6 мың теңгені құрады, бұл ел бойынша орташа деңгейден 32,8%-ға төмен.
