Биылғы тоғыз айда Қазақстанда 44 мыңнан астам жол-көлік оқиғалары болды

АСТАНА. 17 қазан. ҚазАқпарат - Биылғы тоғыз айдан елімізде 44 мыңнан астам жол-көлік оқиғалары болды, оның  9700 жағдайында адамдар зардап шекті.

Бұл жайында ҚР Бас прокуратурасының Құқықтық статистика және арнайы есепке алу жөніндегі комитетінің төрайымы Сәуле Айтбаева айтты.

Оның айтуынша, зардап шеккендердің саны 13 980-ді құрап, 2 029-ы қаза тапты.

«Былтырдан бастап ҚР Бас прокуратурасының Құқықтық статистика және арнайы есепке алу жөніндегі комитеті адамдардың жарақаттануына немесе қаза болуына алып келген жол-көлік оқиғаларын бірыңғай статистикалық есепке алуды жүргізу турасында уәкілетті орган болып табылады. Жол апатының ауқымы пайымдағанымыздан анағұрлым өзекті екенін байқадық», - дейді С. Айтбаева.