Біз кәсіби бокспен айналысамыз - ХБҚ президенті Чинг-Куо Ву
АСТАНА. 11 мамыр. ҚазАқпарат - Жылдың аяғында біз кәсіби бокспен айналысамыз. Бұл туралы бүгін Астанада өткен баспасөз мәслихатында Халықаралық бокс қауымдастығының президенті Чинг-Куо Ву мәлім етті.
Оның хабарлауынша, бүгін елордада өткен Халықаралық бокс қауымдастығының кезектен тыс отырысы барысында кәсіби бокс мәселесі талқыланды. «Ағымдағы жылдың соңында біз кәсіби бокспен айналыса бастаймыз. Осыған орай, біз жекпе-жектердің ережелерін жан-жақты талқылап шықтық», - дейді Чинг-Куо Ву. Сондай-ақ Астанадағы отырыста Оңтүстік Кореяның бокс қауымдастығын ұйым қатарына қайта қабылдау туралы шешім қабылданды.
