Біз Қазақстанда тіліміз бен мәдениетімізді сақтап қалдық - түрікмен этномәдени бірлестігінің өкілі
АСТАНА. 1 мамыр. ҚазАқпарат - Астанадағы түрікмен этномәдени бірлестігінің өкілі Зағи Әбішеваның пайымынша, Қазақстанда жүргізіліп келе жатқан ұлтаралық келісім саясатының арқасында олар өз тілдері мен мәдениетін сақтап қалды.
«Біз бұл мейрамды жыл сайын атап өтеміз әрі Қазақстанда бізге таза ниетпен, адам көңілмен қарайды. Бізге өз тілімізді, мәдениетімізді дамытуға бар мүмкіншілік жасалған», - деді ол.
Қазақстанда дүниеге келген оның 8 баласы, 15 немересі, 10 шөбересі бар. Балаларының барлығы қазақ мектебінде білім алуда. Жалпы оның пайымынша, басқа этнос өкілдері тұрып жатқан мемлекеттің тілінде білім алуы керек. «Тараз қаласында тұрғанымызда балаларым да, немерелерім де орыс мектебінде оқыған болатын. Елордаға көшіп келгеннен кейін балаларымның, немерелерімнің, шөберелерімнің барлығын қазақ мектебіне бердім», - дейді ол.
