Бізде кәсіпкерлерге қолдаудан гөрі оларды бақылайтын функция көп - Елбасы
АСТАНА. 11 қазан. ҚазАқпарат - Бізде кәсіпкерлерге қолдаудан гөрі оларды бақылайтын функция көп. Бүгін Ақордада еліміздің өткен 9 айының даму қорытындыларына арналған Үкіметтің кеңейтілген отырысында Мемлекет басшысы Нұрсұлтан Назарбаев осылай мәлім етті.
Елбасының айтуынша, кәсіпкерлерді тексеретін санэпидқадағалауда 12 мыңнан астам адам жұмыс істейді. Ал Индустрия және жаңа технологиялар министрлігінде кәсіпкерлер үшін кешендерді қалыптастыратын органда бар-жоғы 200 адам қызмет етеді. «Мен 100 инновациямен жұмыс туралы тапсырма бердім. Бағдарлама жұмыс істеген уақыттан бері тек бір ғана жобаға 100 миллион теңгенің инновациялық гранты берілген», - деді Н. Назарбаев.
