Біздің заманымыздағы жаңа Титаниктің суреттері жариялана бастады (ФОТО)
АСТАНА. ҚазАқпарат - Buzzfeed сайты жасалып жатқан жаңа «Титаник ІІ» кемесінің сызбаларын жариялады, ол 1912 жылы алғашқы сапарында-ақ батып кеткен алғашқы алып кемеге ұқсайды. Жобаны іске асыруды австралиялық магнат Клайв Палмер өз жауапкершілігіне алған. Жоспар бойынша, кеме 2018 жылы Қытайдың Цзянсу портынан Дубайға аттанады.
Кемеге 2,4 мың жолаушы мініп, 840 бөлмеге орналаса алады, деп жазады Лента ру. Кемеде 900 адам қызмет етеді. Жалпы оның ұзындығы - 270 метр, биіктігі 53 метр.
Еске сала кетейік, бірінші Титаник кемесі Белфасте 1909-1912 жылдар аралығында құрастырылған. Ол әлемдегі ең алып кеме атанғанымен 1912 жылы 15 сәуірге қараған түні Атлант мұхитында мұзтауға соғылып, батып кеткен.
