Бизнес орталықта ұрлық жасағандар іздестіріліп жатыр
АСТАНА. ҚазАқпарат - Астана полицейлері қаладағы бизнес-орталықтардың бірінде ұрлық жасаған екі ер адамды іздестіріп жатыр, деп хабарлайды «ҚазАқпарат» ХАА тілшісі астаналық ІІД баспасөз қызметіне сілтеме жасап.
Тәртіп сақшылары 25 қаңтар күні кешкі сағат 18:00-де әйел адамның ұялы телефонын ұрлап кеткен күдіктілерді іздеп жатыр.
Сонымен қатар, 24 қаңтарда кешкі 17:00 шамасында Петров көшесіндегі дүкендердің бірінде Астана тұрғынының қолындағы сөмкеден ақша ұрлаған күдікті іздестіріліп жатыр.
Астана ІІД аталған қылмыстар туралы қандай да бір ақпарат білетін адамдардан «Алматы» аудандық ІІБ-ге келуін сұрайды немесе 8 (7172) 71-67-45 және 102 телефондарына қоңырау шалуын өтінеді.
