Бизнесмен Уоррен Баффет 2013 жылы 12,7 млрд доллар табыс тапты
АСТАНА. 19 желтоқсан. ҚазАқпарат - Америка инвесторы Уоррен Баффет 2013 жылы ең үлкен табысқа кенелген миллиардерлер тізімінде бірінші орын алады.
Бұл мәліметтерді UBS швейцария банкі және Wealth-X халықаралық сараптама компаниясы келтіріп отыр.
Сәрсенбіде MarketWatch американдық басылымы жариялағандай, 83 жастағы Berkshire Hathaway инвестициялық холдингінің басшысы өткен жылы 12,7 млрд доллар табыс тапқан.
Жалпы алғанда қазір әлемде 2170 миллиардер бар. Олардың жиынтық капиталы 6,5 трлн долларды құрайды.
