00:31, 02 Маусым 2019 | GMT +6
БҚО-да 19 жасар жігіт суға кетіп, қыз бала құтқарылды
ОРАЛ. ҚазАқпарат - Батыс Қазақстан облысында 19 жастағы жігіт суға кетіп, қыз бала құтқарылды, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға 1 маусым күні болды.
Бәйтерек ауданында жасанды су қоймасына жабдықталмаған жерден түскен 2000 жылғы жігіт сағат 17.30-да батып кеткен. Марқұмның денесін 4 құтқарушы 1 техниканың көмегімен сағат 19.10-да судан шығарды.
Екінші оқиға Оралда қалалық мәдениет және демалыс саябағында болды. Екі құтқарушы бір жүзу құралымен Шаған өзенінде сағат 20.18-де терең суға батып бара жатқан 2009 жылғы қызды алып шықты. Оған алғашқы жәрдем көрсетілді.
Еске сала кетейік, бұдан бұрын Оралда бозбаланың суға кеткенін, батып бара жатқан 5 жасар қыз баланың құтқарылғанын жазған болатынбыз.