БҚО-да боранды күні жоғалып кеткен ер адамның денесі табылды

Батыс Қазақстан облысында боранда жоғалып кеткен ер адамның денесі даладан табылды, деп хабарлайды Kazinform.

БҚО полиция департаменті баспасөз қызметінің мәліметінше, марқұмның денесін тұрғын 24 қараша күні сағат 12.00-де Теректі ауданы Ақжайық ауылынан 10 шақырым жерден тапқан. 

«62 жастағы ер адамның денесінде күш қолдану белгілері жоқ. Қазіргі уақытта адам өлімінің себебін анықтау үшін мүрде сот-медициналық сараптамаға жолданды», - деп хабарлады ведомстводан. 

Еске сала кетейік, бұдан бұрын БҚО-да боранда жоғалған 62 жастағы ер адамның ұшақпен іздестіріліп жатқанын жазған болатынбыз.

Сондай-ақ Орал қаласында саяжай тұрғындары екі күн бойы жарықсыз қалды.