БҚО-да екі жеңіл көлік соқтығысып, үш адам зардап шекті
ОРАЛ. ҚазАқпарат – Батыс Қазақстан облысында екі жеңіл көлік соқтығысып, үш адам зардап шекті, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткеніндей, оқиға 22 желтоқсан күні сағат 08.58-де Ақжайық ауданында болды.
Орал-Атырау жолы мен Чапаев ауылының кіреберіс тұсында «Тойота Камри» мен «ВАЗ-2112» автокөліктері түйісті.
Соның салдарынан жарақат алған үш адам Ақжайық аудандық орталық ауруханасына жеткізілді. Олардың екеуі дәрігерлер қарағаннан кейін ауруханаға жатудан бас тартты.
Алдын ала мәлімет бойынша жабық бас-ми жарақатын алып, маңдай тұсы көгерген 37 жастағы ер адам ауруханаға жатқызылды.
Қазіргі кезде оқиғаның жай-жапсары анықталу үстінде.
Еске сала кетейік, бұдан бұрын Батыс Қазақстанда адам өліміне соқтырған бірнеше жол апаты болғанын жазған едік.
