БҚО-да найзағай ойнап, жел күшейеді
ОРАЛ. ҚазАқпарат - «Қазгидромет» РМК БҚО филиалының мәліметіне қарағанда, 3 маусым күні өңірдің кей жерлерінде найзағай ойнап, батыстан, солтүстік-батыстан соғатын желдің жылдамдығы секундына 15-20 метрге дейін күшейеді, деп хабарлайды ҚазАқпарат тілшісі.
Орал қаласында желдің екпіні секундына 18 метрге дейін жетпек.
Осыған байланысты БҚО ТЖ департаменті ескерту жариялап, төтенше жағдайларды болдырмау мақсатында тиісті шаралар алынуда.
Еске сала кетейік, бұдан бұрын мамыр айының соңғы күндері ауа райының бұзылатыны жөнінде ескерту жарияланғанын жазған болатынбыз.
Кеше де, 2 маусым күні түнде өңірдің кей жерлерінде топырақ бетіндегі температура 0-2 градусқа дейін суытатыны жөнінде ескерту жарияланды.
Жалпы, соңғы күндері күн салқындап, желді болып тұр.
