БҚО-да оқушылардың көлікпен аударылуына байланысты қылмыстық іс қозғалды
Бұдан бұрын жазғанымыздай, 20 сәуір күні 11-сынып оқушысы «Лада Ларгус» автокөлігін айдап кетіп, аударылып қалған еді. Автокөлікте өзімен бірге бес сыныптасы болған. Өкінішке қарай, оқиға соңы қайғылы аяқталды. Көліктің ішінде болған 17 жастағы оқушы қыз кейін, 25 сәуір күні ауруханада көз жұмды. Осылайша қызғалдақ теремін деп барған 11-сынып оқушысы қыршын кетті.
БҚО полиция департаментінің баспасөз қызметінен түскен мәліметке қарағанда, қазіргі кезде екі бап бойынша қылмыстық іс қозғалған.
Атап айтқанда, ҚР ҚК 200-бабы (автомобильдi немесе өзге де көлiк құралын жымқыру мақсатынсыз заңсыз иелену) және 345-бабына (көлiк құралдарын басқаратын адамдардың жол жүру немесе көлiк құралдарын пайдалану қағидаларын бұзуы) сәйкес тергеу амалдары жүргізілуде.