БҚО-да шенеуніктер шекарадан өткізгені үшін кәсіпкерлерден пара алып отырған
НҰР-СҰЛТАН. ҚазАқпарат - Сыбайлас жемқорлыққа қарсы іс-қимыл агенттігінің БҚО-дағы департаменті өңірдегі үш лауазымды тұлғаның үстінен сотқа дейінгі тергеу амалдарын бастады, деп хабарлайды ҚазАқпарат тілшісі.
ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің баспасөз қызметінен хабарлағандай, олар кәсіпкерлерден жүйелі түрде ақша алып отырған. Шенеуніктер «Сырым» шекаралық бекеті арқылы кедергісіз өту және тауарлы-көліктік құжатын тексеру кезінде кәсіпкерлерден пара алып отырған.
«Тағылған айыпты толық мойындағаны үшін күдіктілерді процессуалдық ұстау шарасы қолданылған жоқ. Тергеу жалғасуда», - делінген агенттіктің хабарламасында.
Күдіктілерге қатысты соңғы кесімді сот шығарады.
